2018-Beti Argi

BETI ARGI MUSIKA‐BANDAk aurkezturik

  • 2018/03/18an, igandea,
  • arratsaldeko 19:00etan
  • Ordiziako elizan

Kontzertuaren 1. ZATIA: 100 urteko doinuak

Ordiziako Beti Argi Musika‐banda – Zuzendaria: Josune Aierbe

A las cumbres (Esteban Aranburu).
Orain eta Beti (Juán José Aranburu). Ordizian, 1924an egindako musika‐topaketarako egina
Santa Ana (Esteban Aranburu)
C. D. Ordicia (José Luis Gurrutxaga)
Unión Club Villafranca (Juán José Aranburu)
Villafranca U. C. (José Luis Gurrutxaga)

Kontzertuaren 2. ZATIA: alkateak kantuan. Bandak jo eta alkateek abestu, J. J. Gómezek eta Erramun Amundarainek lagunduta

Oi, Ordizia (O, Pello, Pello euskal abesti tradizionalean oinarritutako moldaketa). Kepa Korta jauna
Gure bazterren sena (Aitorren hizkuntz zaharra doinuan oinarrituta). Juan Vicente Erauskin jauna
Gaur da bihar (Pello Joxepe doinuan oinarrituta). Alejandra Iturrioz andrea
Orbel ta lar artean (Betroiarena doinuan oinarrituta). Igor Eguren jauna
Gure Ordizia (Maritxu, nora zoaz? doinuan oinarrituta). José Miguel Santamaría jauna
Ordiziarrak. Banda, upel eta danborrez lagunduta (Bernardo Alberrok egindako danborrada‐konposizioaren estreinaldia)

Ordiziarrak gera
Ordiziarrak gera gu
Agur herriari
Agur eiten diogu

Alaitasuna guk
Ordiziarrak badegu
Okasioa ta lana alde batera
Utzi ta festa nahi degu

Ez zuen inork espero, baina Alberro jaunak jarri zion brotxea ekitaldiari, bertso eder bat eskainiz eta kemen handiz abestu zuen hura.

JUÁN JOSÉ eta ESTEBAN ARANBURU anaien testuinguru historikoa

1899an, Parrokiako organo‐jotzailearen eta Bandaren zuzendariaren postua hutsik geratu zen –bi zereginek lanpostu bakarra osatzen zuten–, organista izandako Lorenzo Martínez hil zenean. 1864az geroztikoa zen orduko Udal Musika Banda.

Juán José Aranburu ordiziarrak aldi batez bete zuen lanpostua, Udalak lanpostua oposiziora atera eta Tuterako Cándido Elorzak plaza eskuratu zuen arte. Urtebete geroago, 1900ean, Juán José Aranburu laguntzaile eta zuzendariorde izendatu zuten.

Musika‐bandako musikariek, hainbat grebaren ondoren, 1901ean, Cándido Elorzaren zuzendaritzapean jotzeari uko egin zioten. Urtebete geroago, Banda berrosatu zuen Cándido Elorzak, baina Aranburu taldean hartu gabe.

Juán José Aranburuk ere Banda berri bat sortu zuen Ordicia Elkarteko gazteekin 1902an. Ordicia Elkartea gutxi lehenago, 1900an, inauguratu zen, eta denbora gutxiren buruan, herriko elkarterik dinamikoenetakoa izatera iritsi zen.

Erabat gaiztotu zuen herri‐giroa bi Banda egoteak: udalarena eta pribatua. Funtsean, herriko banaketa politikoa agertzeko modua izan zen Musika‐banden arteko polemika: karlisten eta liberalen arteko tirabira.

Udal Musika Bandaren jarduerak oso apalduta jarraitu zuen; makal eta ahul. Aldiz, Ordicia Elkartearen Banda kementsu aritu zen. Tronpeta‐jotzaile aritu zen bertan Esteban Aranburu.

1905ean desagertu egin zen Udal Musika Banda, eta gorabehera dezente izan zituen orduan Udalak Cándido Elorzarekin. Halabeharrez, Ordicia Elkarteko Bandaren eta Udalaren arteko harremanak nabarmen ‘goxatu’ ziren, ordea, eta
1908an musikako udal irakasle‐plaza sortu zuen Udalak Aranbururentzat. 1915ean bertan behera geratu zen Ordicia Elkarteko Musika‐bandaren eta Udalaren arteko lankidetza‐hitzarmena, desadostasun ekonomikoengatik.

1916an Udalak Udal Musika Banda berri bat eratu zuen, eta bukatu egin zen Ordicia Elkarteko Bandaren ibilbidea.

1922an, José Luis Gurrutxagari eman zion Udalak organo‐jotzailearen eta Musika‐bandaren zuzendariaren kargua. 1963an, Udalak Udal Musika Bandari zegokion dirua ordaindu ez ziola-eta, disolbatu egin zen Banda.

Beti Argi Musika‐elkartea 1979an sortu zen, Ordiziako txistularien elkartearen baitatik, eta 1980ko Korputseko kontzertua izan zuen jendaurreko aurreneko ekintza.

JOSÉ LUIS GURRUTXAGA

José Luis Gurrutxaga Oliden Zestoako Aizarna auzoan jaio zen 1895eko urriaren 8an, eta 1992ko abenduaren 8an hil zen Ordizian.

Konpositorea, irakaslea, organo‐jotzailea eta, akaso askok jakingo ez badute ere, abeslaria izan zen; bereziki zarzuelak zituen maite baritono bakarlari modura kantatzeko. Aurretik esan bezala, 1922an Ordiziako organista izateko eta Udal Musika Bandako zuzendari izateko lanpostua eskuratu zuen. 40 urte baino gehiago eman zituen ardura horretan. Gizon zorrotza zen, eta bereak dira Ordiziako Martxa eta abenduaren 31n jotzen dugun Kattalin ezagunari erantsitako kalejira, asko eta askoren artean. Martxa 1947an estreinatu zen, Gurrutxagak berak Santa Ana ikastetxean danborrekin eta upeltxoekin hainbat egunez landu eta gero.

Antza, Gurrutxaga harreman sentimental bereziak lotu zuen Ordiziarekin. Izan ere, aukera bat baino gehiago izan omen zuen lanpostu garrantzitsuagotara jauzi egiteko, baina berak argi izan zuen gure herriari lotuta jarraitu nahi zuela.

BERNARDO ALBERRO

Astigarragako Ergobia auzoan jaio zen Bernardo Alberro Anabitarte 1927ko apirilaren 17an. 7 anaia‐arrebaren artean zaharrena izan zen.

Tranbia‐konpainian konpontze‐lanetan egin zuen lan, eta duela 75 urte justu, lanean igota zegoen aldamioak behera egin, eta itsu geratu zen Alberro 9 metrotik behera amilduta. 16 urte zituen orduan.

Istripua gertatu eta urte eta erdira, inork halakorik espero gabe, ikusmena berreskuratu zuen partzialki. Baina erabat aldatu zion istripuak bizitza: izan ere, musikari heldu zion orduan. Akordeoia erosi, eta interprete eta konpositore jardun du harrezkero etenik gabe.

Ezkondu eta berehala etorri zen Ordiziara bikote ezkonberri gaztea, eta 4 seme‐alaba izan zituen. Ordiziarrak abestia Astigarragan bizi zela sortu zuen, baina ez zion letra jarri Ordiziara iritsi arte. Herriko hainbat elkarteren doinuak ere egin ditu gero. Ezin konta ahala pieza dira gure Alberrok eginak dituenak, Ordiziaren eta Euskal Herriaren alde horietako gehien‐gehienak.

Lan bikaina egin du Iker Gómez de Segurak historia hau guztia azaleratzen. Egitaraua ikusi nahi baduzu, sakatu hemen.

Horrela dio Diario Vascok:

1800ean, Batzarrak Ordizian bildu ziren eta mende oparoa izan zen Ordiziaren musikarentzat, hortxe agertu baitziren lehen organoa, lehen orkesta eta baita lehen musika eskola ere. Ezin urtea ziurtasun osoz esan, baina 1900ean herrian bi musika banda bazeudela, munizipala eta “sociedad recreativa Ordizia”-rena. (…)

2018a urte berezia izango da Ordiziarentzat, sorreraren 750. urteurrena ospatzen baita. (…)

Beti Argik urteroko San Josetako kontzertua beste eszenategi batean eskaintzeko ahalegina egin du, aurten parrokian izango delarik.

Josune Aierberen gidaritzapean, Beti Argik programa berezia prestatu du:

  • 100 urteko doinuak da lehen atala eta 3 ordiziarren lanak bilduko dira bertan, Juan José eta Esteban Aramburu anaienak eta José Luis Gurrutxaga, gerora ordiziar bilakatuko zenarenak, alegia. Hor joango dira Esteban Arambururen A las cumbres, Juan Joséren Orain eta beti, eta futboleko iskamilen isla diren Santa Ana (Esteban Aranburu), CD Ordicia (José Luis Gurrutxaga), Unión Club Villafranca (Juán José Aranburu) eta Villafranca UC (José Luis Gurrutxaga), azken hau, danbor eta barrilekin jotzekoa, behin bakarrik jo zen, 1963ko danborradan.
  • Bigarren atalean, berriz, JJ Gómez eta Erramun Amundarain izango dira gidari eta Ordiziara egokituz letra aldatu zaien abesti herrikoi eta ezagunak interpretatuko dituzte herriko alkate izan direnen ondoan.
  • Azkenik, Beti Argik Bernardo Alberro maixuaren Ordiziarrak gera gu joko du, danbor eta barrilek lagundurik.

Iturria: Diario Vasco

Advertisements

2017-Kattalin

Posted: 2018/01/01 by Koro in Emanaldiak
Eta badoa urtea…
Euria mehatxu…
Atera dira elegante, jo dute dotore, San Jose Egoitzara igo dira baliente… eta aurrera… Beste urte baten bila…

2017-Eguberriak

Posted: 2017/12/25 by Koro in Kontzertuak

Aspaldi idatzi gabe egon bagara ere, Beti Argik betikoan jarraitu du eta Eguberria goiz hasi du, paseilo eta guzti.

Ordubatean kontzertua, beti bezala, baina … ez beti bezala! Aulkiak jende artean eta… Lennon eta Eguberriak, gospela eta dantza… Goizegi etorri zaigu amaiera eta azken kanta hori… Bai, kanta … Herrian badugu Ordiziko enparantzan, poteo erdian, entzun daitekeen ahotsa… Altxatu dira bandoleroak eta jende artean nahastu, zer ote? Hasi da Haurtxo maite... eta… malko bat baino gehiago ere bai… Emozioz beteriko kanta izan dugu batzuk…

Eskerrik asko, Beti Argi!

Zuzendaria: JOSUNE AIERBE

Abba on Broadway Konp. MICHAEL BROWN

ImagineJOHN LENNON

Aires Vascos Nº 1JOSÉ FRANCO

A Festive Christmas CelebrationKONP. AUDREY SNYDER

Mesias SarritanB. DE ERCILLA

Gospels FavouritesKONP. DONALD FURLANO

A Christmas Dance Party Nº 1MICHAEL CARROS

Haurtxo maite,

nola zaude?

seaskan negarrez.

Atoz, bai, nire bihotzera.

Atoz, bai, lo lo egitera.

Abesti maitalez.

Abesti maitalez.

2015 – San José

Posted: 2015/03/16 by Koro in Emanaldiak, Kontzertuak

Ondo bete dute lana gure bandoleroek eta, ordiziarrok dantzik ez badugu egin ere, ez da musikaren aitzakiarik izan! A ritmo de pasodoble, gaurkoa! San Jose edo udaberriari aurrea hartuz, hementxe ditugu haien soinuak:

MARTXOAREN 16an

ORDIZIAKO PLAZA NAGUSIAN

EGUERDIKO 13:00etan

Tercio de Quites (pasodoblea) — RAFAEL TALÉNS

Torrents of Fire — LARRY NEECK

La vereda (pasodoble festero) — OSCAR NAVARRO

Abba Mia — Konp. LUIS CARDOSO

Irmgard Beck (pasodoblea) — GINÉS RAMÍREZ GONZÁLEZ

El bimbo — Konp. NAHOIRO IWAI

Tres veces guapa (pasodoblea) — LAREDO

Centuria (Overture for Band) — JAMES SWARINGEN

Baldorra — BENITO LERTXUNDI

Donostia (pasodoble vasco) — PEÑA Y GOÑI

 Zuzendaria: JOSUNE AIERBE

2014-Kattalin

Posted: 2015/01/01 by koroirastorza in Uncategorized

Hotz

Lehor

Nolakoa ote da datorkiguna?

Gureek desafioa bota zioten…

2015

2014-Eguberriak

Posted: 2014/12/25 by koroirastorza in Kontzertuak

Zer ekarriko Olentzerok eta… traje berri bat! Hori bai poza! Ez du eguraldiak lagundu eta goizeko pasailoan erakusterik ez, euria hastear baitzebilen…

Hala ere, burrunba ezin ixildu, paseiloa edo plazapeko egonaldian. Eguberria bete-betean dugu Beti Argiren doinuen gainean!

Gosari bikaina irabazita erretiratu dira lehenengoan.

Ordubateko kontzertuan African Bell Carollen danbor hotsek beldurrik gabe deitu diote urte berriari eta lepo zegoen plaza adi-adi jarri dute, estreinatu berria den MODERNO tabernaren aurrean. Hauxe izan da aurten aukeratu dutena:

Zuzendaria: JOSUNE AIERBE

March from Boccaccio — FRANZ VON SUPPE (Arr. Aaron Noë)

Moment For Morricone — MORRICONE

Classics, Classics, Classics! — BOB LOWDEN

I Saw Mammy Kissins Santa Claus — TOMMIE CONNOR (Arr. Naohiro Iwai)

El Murciélago — JOHANN STRAUSS

Ator, Ator — TOMAS ARAGÜÉS

African Bell Caroll — ROBERT W. SMITH

The Magic Of Christmas — JAN VAN KRAEYDONCK

2014-Xexili

Posted: 2014/11/23 by koroirastorza in Kontzertuak

Pasodoble kontzertua izan zen atzokoa. Ederra benetan! Arratsaldeko zortzietan hasi zen eta ez zen oso luzea izan. Bikain aritu ziren gureak eta gehiagoren gogoz geratu ginen, beti bezala.

Entzun dugu, gero, jarraipena eman ziela eta pasodobleak gainditu eta sebillanatara pasatu zirela… , baina hori pase pribatua izan zen nonbait eta urrutitik entzuteko aukera besterik ez genuen izan… Agian, toke desberdin bat eman nahian dabiltza plazan eskainitako emanaldiei… Gu, zer ikusiko irrikitan, klaro!