Ez dira 500 urte Sanjosetako kontzertua jotzen, ez…, baina pauso honetan, iritsiko da hura ere!
1512an, suak erre zuen Ordizia. Erabat kixkalita geratu zen gajoa, burumakur… Baina garai txarrei konponbide apartak tokatzen zaizkio nonbait eta, hura gero aberats baten abiapuntu bihurtu zen eta Ordiziak Joana Gaztelakoak emandako eskubideari probetxu ateratzen jakin zuen… 500 urte pasa eta gero, suak eragindako aiumak festa giro bihurtu dira eta Beti Argiren urteroko Sanjosetako kontzertua ospakizun horretan murgildu da.
- Lekua: Ordiziako Plaza Nagusia
- Eguna: Martxoaren 18a
- Ordua: Eguerdiko 13:00etan
Yakka (Pasodoble) J.R. PASCUAL-VILLAPLANA
The Second Waltz D. SHOSTAKOVITCH
Homenaje a Mexico (potpourri) -
Starwars Konp. TON VAN GREVENBROEK
Latin American Fever (potpourri) H. KOLASCH
Everybody Needs Somebody To Love Konp. M. SAURER
Furra-Furra / Bioletaren Martxa OSKORRI
Zuzendaria: JOSUNE AIERBE
Ordiziako Martxak eman zion amaia kontzertuari eta lepo zegoen plazan malkotik gertu zegoen jendea ikusi genuen. Ez ordiziarrak bakarrik, e? Naparren bat ere bazen tartean eta tolosarra ere emozionatuta ikusi genuen. Festetan izaten denaren oso bestelakoa zen, eguerdian, tanborradarik gabe… baina danborrek dotore egin zuten berea eta herri osoaren animoak bildu zituzten.
Ekintza andana izan zen igandeko eguraldi ezin hobean
10:00 Goizeresia Ordiziako Txistulariekin 11:00-12:00 Barrena Kultur Etxean hasi eta Plaza Nagusian bukatuz. Tekno altxor bila “Ordizia eta Azokaren historia ezagutuz.” 11:00 D’elikatuzen: Harrera Azokako baserritarrei. Inagrosalute proiektuaren aurkezpena. Azokaren ikus – entzunezkoa. Azokaren txokoa”-ren aurkezpena. Kimetz Elkarteak bultzatutako “Gaur Zortzi Azokan” emakume baserritarraren omenez eginiko dokumentalaren aurkezpena. 12:15 Azokako baserritar eta baserriko produktuak saltzen dituztenei omenaldia Plaza nagusian: omenaldi ekitaldia. Bertsolariak, aurreskua. 13:00 Beti Argi Bandaren kontzertua. 13:45 Azoka 500eko ipuin kalejira, Ahoz Aho Jaialdiaren barruan. Kaleetan festa giroa. 14:00 “500 urte, 500 plaza baietz!” Ekimenaren hasera Emaneurre taldeak antolatuta 14:30 Frontoian herri bazkaria Azokako saltzaileekin. Larrun Arri eta Umore Ona abesbatzak, Laguntasuna Errondalla, bertsolariak… 17:00-20:00 Plaza Nagusian jolas bitxiak (4-9) urte bitartekoentzat. 17:30-19.00 kirol kooperatiboak (9-14) urte bitartekoentzat Joxe Miel Barandiaran Plazan. 19:00 Herrian zehar erromeria, dantzariak, txaranga, festa giroa. 20:00 Plaza Nagusian, amaiera ekitaldia. Sutea oroituz.
Enparantza inguruan emandako 500 birek arrakasta izugarria izan zuten, bai parte hartu zutenen artean, baita begira zeudenena ere!, bazkaria… Ez dugu hurrengo 500. urteurrena harrapatuko… Garaikoek ideia bat edo beste har dezakete hemen!
